“LAND CRUISER 200” МАРКИЙН ТЭЭВРИЙН ХЭРЭГСЭЛ ХУЛГАЙЛААД, ЗАДАЛЖ ЗАРАХ ГЭЖ БАЙЖЭЭ

“Хашаанд байсан “Land Cruiser 200″ маркийн тээврийн хэрэгсэл алдагдсан” гэх дуудлага, мэдээлэл гуравдугаар сарын 24-нд цагдаагийн байгууллагад бүртгэгджээ. 

Мөрдөн шалгах ажиллагааны явцад уг хэргийг урьд өмнө нь ял шийтгэгдэж байсан, 45 настай, эрэгтэй “З” гэгч үйлдсэн болохыг илрүүлсэн байна.

Уг этгээд Баянзүрх дүүргийн нутаг дэвсгэрт байрлах хашаанд тээврийн хэрэгслийг задалж, бусдад худалдан борлуулах гэж байсан үйлдлийг тогтоосон бөгөөд үргэлжлүүлэн шалгаж байгааг цагдаагийн байгууллагаас мэдээлэв. 

Иймд иргэд тээврийн хэрэгслээ хяналтын камер болон харуул хамгаалалттай газарт байршуулах, байр, орон сууцаа олон хоногоор эзэнгүй орхихгүй байх, хөршийн холбоогоо сайжруулж, хулгайлах гэмт хэргээс урьдчилан сэргийлж, сэжигтэй этгээд, үйлдлийн талаар цагдаагийн байгууллагад даруй мэдэгдэхийг зөвлөлөө.