Найзынхаа дүүг хүчирхийлж хөнөөсөн 21 настай этгээдэд бүх насаар хорих ял оноолоо

21 настай эрэгтэй шоронгоос суллагдсан даруйдаа бага насны хүүхдийг хүчирхийлж улмаар амь насыг хөнөөсөн аймшигт хэрэг гарсан.

Тодруулбал, өнгөрсөн тавдугаар сард нийслэлийн Баянгол дүүргийн 10 дугаар хорооны … дугаар гудамжинд бага насны хүүхэд нүхэн жорлонд унаж нас барсан тухай Онцгой байдлын газраас мэдээлсэн.

Улмаар тус хэргийг цагдаагийн байгууллагаас шалгахад, “тухайн бага насны хүүхэд нь гаднын нөлөөтэй амиа алдсан” болох нь тогтоогдсон байдаг бөгөөд дээрх этгээд хэргийг үйлдээд зугтаасныг цагдаагийн байгууллагаас шуурхай эрэн сурвалжилж, тухайн этгээдийг баривчлан цагдан хорьсон байдаг.

Өнөөдөр уг хэргийг шүүх хурал Баянгол дүүргийн эрүүгийн хэргийн анхан шатны шүүхэд болж, “гэмт этгээдийг бүх насаар хорих ял”-аар шийтгэх ял оноолоо.