ХҮҮХДИЙН 100 МЯНГАН ТӨГРӨГИЙГ ДӨРӨВДҮГЭЭР САРЫН 20-НД ОЛГОНО

Нийгмийн халамжийн сангаас сар бүр олгодог халамжийн тэтгэвэр, тэтгэмжийн дөрөвдүгээр сарын хуваарь гараад байна. Энэхүү хуваариар эцэг, эхийнх нь орлогоос хамааруулан олгож байгаа хүүхдийн 100 мянган төгрөгийг дөрөвдүгээр сарын 20-нд, олон хүүхэдтэй, өрх толгойлсон эцэг, эхэд олгодог тэтгэмжийг мөн энэ өдөр олгох аж.

Харин Эхийн алдар одонгийн мөнгийг дөрөвдүгээр сарын 25-нд олгоно.  Зургаа ба түүнээс дээш хүүхэд төрүүлсэн эхэд жил бүр 200 мянган төгрөг, дөрөв ба түүнээс дээш хүүхэд төрүүлсэн эхэд жил бүр 100 мянган төгрөг олгодог юм.

Нийгмийн халамжийн сангаас олгох бусад мөнгөн тэтгэлгийн хуваарийг дараах зурагнаас тодруулан хараарай.