“Эрүүл монгол хүн” үндэсний фестиваль энэ сарын 31-ны өдөр зохион байгуулагдана

“Эрүүл монгол хүн” үндэсний фестиваль энэ сарын 31-ны өдөр Сүхбаатарын талбайд болох гэж байна. Үндэсний фестивалийг Монгол Улсын Ерөнхийлөгчийн Тамгын газар, Биеийн тамир, спортын улсын хороо, Нийгмийн эрүүл мэндийн үндэсний төв, Дэлхийн эрүүл мэндийн байгууллага хамтран орон даяар зохион байгуулах гэж байна.

Уг хөтөлбөр бүх нийтийн эрүүл мэндийн төлөө уриа дор зохион байгуулагдаж байгаа. Иймд иргэд олон нийт “Эрүүл монгол хүн” үндэсний фестивальд идэвхтэй оролцохыг уриалж байна.

Энэхүү өдөр;

Фестивалийн үеэр сагсан бөмбөгийн 3×3, хөлбөмбөг, хүндийн өргөлт, газрын теннис, ханан хаданд авиралт, фитнесс, ширээний теннис, шатар, даам, дугуй зэрэг спортын уралдаан, тэмцээн, скейтбоард сонирхогчдын “URBAN ZONE” -ын тоглолт болно.

Иргэд нийтийн биеийн тамир,спортын чиглэлээр үйл ажиллагаа явуулдаг 30 орчим холбооны үйл ажиллагаа, нийтийн дасгал, хөдөлгөөн, нийтийн спортын чиглэлээр мэдээ, мэдээлэл авч, үнэ төлбөргүй сургалтад хамрагдах боломжтой.

Мөн эрүүл мэндийн суурь үзүүлэлтээ үнэгүй тодорхойлуулж, эрүүл, зөв зохистой хооллолт, эрсдэлээс өөрсдийгөө хамгаалах зөвлөмж, мэдээлэл авах юм.