Т.АЮУРСАЙХАНЫГ ХНХ-ЫН САЙДЫН АЛБАН ТУШААЛААС ЧӨЛӨӨЛНӨ

Засгийн газрын өнөөдрийн хурлаар ХНХ-ын сайд Т.Аюурсайханы хүсэлтийг хэлэлцсэн байна. Энэ талаар ЗГХЭГ-ын дарга Д.Амарбаясгалан “УИХ-ын гишүүн, Засгийн газрын гишүүн ХНХ-ын сайдаар ажиллаж байсан Т.Аюурсайханы өргөдлийг авч хэлэлцсэн. УИХ болон Ерөнхийлөгчид танилцуулах бичгийг хүргүүллээ.

Ойрын өдрүүдэд ХНХ-ын сайдын албан тушаалаас чөлөөлөх асуудлыг УИХ-аар хэлэлцсэний дараа Ерөнхий сайд захирамж гаргаж албан ёсоор чөлөөлнө” гэсэн мэдээллийг өглөө.

Т.Аюурсайхан гишүүний бүрэн эрхийг түдгэлзүүлэх саналаа АТГ-аас прокурорын байгууллагад хүргүүлээд байгаа тухай өчигдөр мэдээлж байв.